<?xml version="1.0" encoding="UTF-8"?><song><author>Loring S. Williams</author>
<time_sig>7.8.7.8.D.</time_sig>
<title>Yakni achukma fehna ƲIT130</title>
<lyrics>[V1]
 Yakni achukma fehna,
 Chisʋs ai ahanta hoka
 Pit anukfilli li hosh
 Ʋm achukma fehna hoke:
 Ia hosh a̱ya li hokʋt,
 Chisʋs a̱ Miko yoka
 Pit in taloho̱wa lishke.

[V2]
 Aiokhlilika chinto
 Foyukʋt a̱ya li tuk ʋt
 Kuchʋt, hina hanta ya̱
 Foyukʋt a̱ya li hocha,
 Nana inla hokʋno
 Isht anukfihinli la wa
 Chisʋs sia Okchalinchi,
 Yʋmmak pulla hak banoshke.

[V3]
 Ʋno ak inli hokʋt,
 Yakni okpulo ilʋppa
 Hlopullit, ʋba yakni
 Ont pisa la he keyushke:
 Chisʋs a̱ Shahli hokʋt
 Si apehinla hokbano,
 Ahnit, sa chu̱kʋsh momint
 Isht im asihi̱hla lishke.

[V4]
 Chu̱kʋsh kashofa hokʋt
 Holitopa fehna hoke;
 Ʋba Chihowa yoka
 Ont pisa pulla hi okʋt,
 Chisʋs ʋt achi tok o̱,
 Chu̱kʋsh kashofa achukma
 Im asihi̱hla li kʋt,
 Issa la he keyu hoke.</lyrics>
<hymn_number>130</hymn_number>
</song>